Plantun de Prouvènço

Pèr coumpara dos planto d'encò nostre

Gentiana lutea & Achillea distans subsp. tanacetifolia

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Milo-fueio(-à-fueio-de-tanarido)

Achillea distans subsp. tanacetifolia

Asteraceae Compositae

Nom en français : Achillée à feuilles de tanaisie.

Descripcioun :
Aquest milo-fueio trachis en mountagno mounte ié flouris emé de gràndis enflourejado roso. Se destrìo de sa cousino, lou milo-fueio, Achillea millefolium, qu'a de fueio mai larjo emé d'auriheto entre li tros de fueio.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Achillea
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Roso
Petalo : >6
Ø (o loungour) enflourejado : 0,4 à 0,8 cm
Flourido : Estiéu

Sòu : Ca
Autour basso e auto : 1600 à 2300 m
Aparado : Noun
Juliet à avoust

Liò : Prado à rousèu - Esboudèu
Estànci : Mountagnard à Subaupen
Couroulougi : Ouroufito-Sud-Èst-Éuroupenco
Ref. sc. : Achillea distans subsp. tanacetifolia (All.) Janch., 1942

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana lutea & Achillea distans subsp. tanacetifolia

ges

Coumpara Genciano emé uno autro planto

Coumpara Milo-fueio(-à-fueio-de-tanarido) emé uno autro planto